dhun koi meethi sunao, farwari ki barisho

Woh jo de kar pyaas jalta chor ke rukhsat hua

kuch khabar us ki sunao, farwari ki barisho

Haath main aisi lakeerain khench do k rah main

koi tou aaye padhao, farwari ki barisho

Qatra qatra ji main utro tum bhi daikho sath mere

kis qadar gehra hai ghaayo, farwari ki barisho

Toot k barso k ab tou sard ho tapte badan main

Hijr ka jaltaa alaao, farwari ki barsho

to chaaron or jaane kyon

aawazain gungunati hai, aanokhe raag bajte hain

kai yadon k angaare , kabhi jalte hain, bujhte hain

na jaane kitne hi alfaaz…

zehn-o-dil ke safhe par, simat’te hain, bikharte hain

kabhi kuch yaad karne ki, koi uljhan, koi koshish

kabhi sab bhool jaane ki anokhi si koi khawahish

kabhi bin soch ke lamhe, sirak jaate hain haathon se

phir unko thaam laine ki, koi nakaam si kawish

Lahoo ko munjamid karti………..

utarti shaam ki ye chup

parindon ke gharon ko laut jane k kai manzar……

koi rasta dikhaate hai, or umeedain badhate hain

magar un se

magar un se………

ham aankhian phair laite hain…

nahin ham daikhte un ko

‘ke dhundle se yehi raste,ye aadhi aagahi hi tou

aazaab-e-jaan shuru se hain

ham hi kya mubtila-e-gham

sabhi insaan shuru se hain’……..

‘Kinaare par pohanchne ki, riyaazat umar bhar ki hai

kinaare par pohanch kar bhi, safar ne saath kab choda’

or aadhi aagahi ka dukh hamesh hamsafar mera……..

Kabhi ae kaash kuch bole…

ye chup chup si utarti shaam

kabhi ae kaash kuch panchchi

gharon ko laut na jain

hamaare paas reh jain

koi naghma suna jain

kuch aisa raaz keh jain

‘jo todhe is ghani chup ko

mukammil jo hamain kar de’………

aur sochte hain

shabaan-e-hijr k jaise ye “jaangusil lamhe”

jiye to hain hamne

magar kaise….?

chashm-e-hairaan main hazaarha sapne

bune to hain hamne

magar kaise…..?

kitne hi gharonde banaye

taaqch-e-khaab pe rakhe, jaan-ba-lab,

timtimate hue charaghon k neeche

or taud diye……..

andhairon se dosti kar li

aabaad raaste chaud diye …….

qehqahon k mailon se khareedi

lataadaad tanhai …..

apne naqoosh tou bhool gaye

anginat anjaane hayolon se kr li aashnaai…..

kitne hi ashk……….

aankhon se

izn-e-rukhsat mangne jab bhi aaye

kahan di hamne……

haan ik muskarahat

(jo munjamid hi reh gayi

harf-e-dua se aari honton par)

daan ki hamne…..

aaj bhi in barte hue lamhon ko daikhte hain

aur sochte hain

harf-e-umeed to likha hamne,

shikastagi na miti………..

haan umr ko tou barta hamne,

pe zindagi na mili…………………

nigah-e-fitna gar teri, qehar kya dhaa gayi ham par

na kare shak,han kahe haq jo k har hukm-e-nabi

waar de jaan,kre daan jo deen par hastee

kon hai tere siwaa shair-e-Khuda, Maula ALi