Ham apni umar k barte hue lamhon ko daikhte hain
aur sochte hain
shabaan-e-hijr k jaise ye “jaangusil lamhe”
jiye to hain hamne
magar kaise….?
chashm-e-hairaan main hazaarha sapne
bune to hain hamne
magar kaise…..?
kitne hi gharonde banaye
taaqch-e-khaab pe rakhe, jaan-ba-lab,
timtimate hue charaghon k neeche
or taud diye……..
andhairon se dosti kar li
aabaad raaste chaud diye …….
qehqahon k mailon se khareedi
lataadaad tanhai …..
apne naqoosh tou bhool gaye
anginat anjaane hayolon se kr li aashnaai…..
kitne hi ashk……….
aankhon se
izn-e-rukhsat mangne jab bhi aaye
kahan di hamne……
haan ik muskarahat
(jo munjamid hi reh gayi
harf-e-dua se aari honton par)
daan ki hamne…..
aaj bhi in barte hue lamhon ko daikhte hain
aur sochte hain
harf-e-umeed to likha hamne,
shikastagi na miti………..
haan umr ko tou barta hamne,
pe zindagi na mili…………………
“…umar k barte hue lamhon…”
Mujhe gumaan nahin tha ke aap ko Aazaad Nazmon par bhi is qadar uboor haasil hi.
Is ke baad to agla qadam Nasr ka hai aur lagta hai ke us men bhi aap achaanak chaunkaane ka iraada rakhti hain.
Chand ek baatein main ne mehsoos ki hain jin mein maamooli si tabdeeli husn-e-kalam men ezaafe ka baais ho sakti hai maslan…
Hum apne umr ke lamhaat ko badhte huye dekhne ke bajaaye guzarte, sarakte, khisakte, phisalte ya rengte huye dekhen to nazron ko zyda bhala lagta hai.
isi tarha…
jo gharonde banaye hain unhain taak-e-jaan pe rakhne ke bajaaye taaq-e-khwab balke taaqcha-e-khwab pe rakh den to sher men nazaakat ka unsur badh jaata hai.
Mumkin hai ke mere apne takhayul men jhol ho kiyunki main ne umooman aap ki shaairaana hiss ko bahot hi nafees aur naazuk paaya hai. Lihaza takallufan be-sabab tabdeeliyon se gurez kijiyega.
–
Sawood Alam
http://ibnesayeed.wordpress.com/