Yaad k daa’iron main chalta hai
aaj bhi dil kahan sambhalta hai
raat din to hamare bhi jana
khamshi se guzar hi jate hain
lot aa’ein zamane beete hue
aas bhi ye kahan laagate hain
‘Haan wo kuch pal magar wohi kuch pal’
basti e dil main jo makeen ban kar
aik mudat hui k tehre hain
shaam ki khamshi main aksar hi
be-sada harf gungunate hain
yaad k daa’ire banate hain…………..
Bhool bethe hain ham naqoosh apne
aik muddat se khud ko daikha nahin
qaid e zindan e khud faramoshi
garche ham aaj bhi nibhaate hain
‘Haan wo kuch pal magar wohi kuch pal’
basti e dil main jo makeen ban kar
aik muddat hui k tehre hain
dil k aangan ki sard chaaon main
khushk patton se phail jate hain
yaad k daa’ire banate hain………….
or ham bhi kabhi kabhi aksar
chalte chalte tehar se jaate hain
yaad k daa’ire banate hain………
